Me siguri të gjithë e mbani mend vrasjen tragjike të Liridona Ademajt, ngjarje që ndodhi fiks një vit më parë. Ajo u vra në lagjen “Bërnicë” të Prishtinës dhe i dyshuari kryesor është Naim Murseli, bashkëshorti i saj, i cili organizoi të gjithë ngjarjen.
Sot, në 1 vjetorin e vdekjes, vëllai i Liridonës e ka kujtuar atë përmes një shkrimi në Facebook, duke thënë:
Sot u bë 1 vit që nga vdekja jote motër. Na mungon pa fund, malli për ty shtohet dita-ditës e mungesa jote vërehet çdo moment.
Do të kujtojmë gjithmonë me mall, si një motër e mrekullueshme, një vajzë e bukur, një nënë fantastike, e një grua e fortë. Të moren nga ne në moshën më të mirë, e në mënyrën më dinake.
Ende e mbaj mend sa e dhimbshme ishte ajo natë, sa më ishin lodhur sytë dhe zemra.
Më kujtohet ende se si për pak sa nuk më merrej fryma ndërsa po qaja dhe se si po përpiqesha të ndaloja zhurmën që mund të bëja.
Nuk do ta harrojmë kurrë sa e vështirë ishte për ne, nuk do ta harrojmë kurrë atë dhimbje.
Qofsh banore e xhehnetit motër, të kujtojmë gjithmonë me mallë e dashuri familja Ademaj si dhe djemtë Diar dhe Dion.
