Mali i Zi nuk do të jetë në mesin e shteteve që garojnë në Roterdam për “Eurovision 2020”.
Transmetuesi malazez RTCG, ka konfirmuar se arsyeja e heqjes dorë nga “Eurovision 2020” është financiare.
Por, rezultatet e dobëta të Malit të Zi në “Eurovision” vitet e fundit, janë gjithashtu shkak për t’u tërhequr.
Ndërkohë, “Lajmi.net” shkruan se buxheti i kursyer do të shpenzohet në blerjen e makinave të reja.
“Këtë vit vendosëm t’i investojmë ato para nv rinovimin e mjeteve së RTCG. Plani është të blejmë vetura të reja dhe kjo përmirëson sigurinë e ekuipazheve tona, të cilët udhëtojnë mbi 1.000 kilometra në baza ditore”, bën me dije RTCG.
E megjithatë, largimi i Malit të Zi nuk do të jetë i përhershëm. Mali i Zi mund të bëjë gati buxhetin për t’u rikthyer në Eurovision në 2021.
/Lajmi.net
