Reperi Majk ka treguar për herë të parë arsyen përse është beqar dhe s’ka ndërmend të martohet.
Përmes një postimi në Instagram, ai ngre një pikëpyetje të madhe rreth atyre femrave që bëjnë jetë luksoze dhe vishen me veshje luksoze, ndërkohë që kanë një rrogë mesatare ose janë fare pa punë.
Megjithatë Majk nuk i përgjithëson të gjitha femrat, pasi flet vetëm për ato të qytetit të tij, Prishtinës.
“Takat 1000 euro, Iphone-in 1000 euro, çantën e dorës 1000 euro, e rrogën e kanë 300 euro, ose janë pa punë…Femrat në qytetin tim. WOW si e bëni këtë? Dmth ju jeni mrekulli”, shkruan ai për të vazhduar më pas: “Dhe ende më pyesin pse nuk po martohesh ose pse u ndave”, shkruan reperi.
Megjithatë jo të gjitha fanset janë dakord me konkluzionin e tij. Ka mjaft prej tyre që shkruajnë se jo të gjitha femrat janë njësoj duke mbrojtur ato që bëjnë punë të ndershme.
“Nuk janë të gjitha femrat ashtu, ju te ato shkoni. Ka plot vajza me jetë normale, me punë të ndershme, po ju ato nuk i doni, ndaj mos të të vijë aspak çudi”, i shkruan një komentuese.
Reperi nuk ka replikuar me asnjë prej tyre, përkundrazi, ka publikuar një reagim komplet ndryshe në Instastory, të një vajze që shton se ka dhe nga ato femra që prishin familje vetëm për të siguruar jetën e luksit. Megjithatë Majk më pas e ka fshirë postimin. Të jetë penduar vallë?
