Gjyqtari i njohur belg, Michel Claise, po punon për të publikuar një libër që flet për mafian shqiptare.
Ai u shpreh se përpos që dominojnë Portin e Antwerp, Belgjikë (një pikë strategjike e trafikut të kokainës), mafia shqiptare po shkatërron edhe bregdetin e mrekullueshëm shqiptar.
“Ka dy arsye pse po shkruaj një libër për mafian shqiptare. E para, sepse Shqipëria ushtron një tërheqje të madhe te unë. Është një vend i bukur, me njerëz të mrekullueshëm dhe natyrë të paprekur.
I rekomandoj të gjithëve që ta vizitojnë. Dhe mundësisht të mos presin shumë, sepse në bregdetin e Adriatikut po pastrohet një sasi e madhe parash nga krimi. Njeriu bën gjithçka për t’u lejuar të ndërtojë diçka. Bregdeti i mrekullueshëm është nën presion.
Ky fakt përputhet plotësisht me arsyen e dytë përse e nisa këtë libër: në jetën time profesionale kam kontakte jo pak me mafian shqiptare. Ajo është e gjithëpranishme dhe e fuqishme në të gjithë Europën, por veçanërisht në Belgjikë.”-tha ai.
Është për të ardhur keq, që bregdeti shqiptar aq shumë i lakmuar nga turistë nga i gjithë globi, po shkatërrohet cdo vit edhe më shumë.
Ndërtimet pa leje, konkurrenca jo e ndershme apo abuzimet e pafundme, kanë pushtuar të gjithë vijën tonë bregdetare dhe për ketë jemii dëshmitarë të gjithë.
