Pedagogu i Universitetit “Aleksandër Xhuvani”, Denis Himçi pretendon se videoja e shfaqur në emisionin investigues “Stop” është një kurth.
Burime për Dosja.al tregojnë se vajza me inicialet D.B.. ishte regjistruar në universitetin e Elbasanit, në vitin 2017 në degën e gjuhës italiane dhe kishte hyrë në vetëm 4 provime.
Më pas, studentja që regjistroi pedagogun nuk e kishte frekuentuar më shkollën. Ajo është rishfaqur në shkollë në muajin prill të këtij viti dhe pavarësisht takimeve me pedagogun Denis Himçi, i cili kërkonte seks në këmbim të ndihmës që po i jepte, nuk është futur në provimet e tjera.
“Ky ka qenë i gjithi një kurth. Studentja në fjalë është regjistruar në shkollë në vitin 2017. Ajo frektuentoi vetëm semestrin e parë dhe hodhi katër provime. Më pas nuk ka ardhur më në shkollë. Kur erdhi në muajin prill të vitit 2019, u takuam bashkë. Pavarësisht takimeve që ka pasur me mua ajo nuk është futur në asnjë provim. Ishte një kurth,”– mësohet të ketë thënë Himçi.
Denis Himçi i cili është dhe doktor shkencash i kërkoi favorite seksuale vajzës për ta ndihmuar të merrte të gjitha provimet e prapambetura.
Rektorati i Univesitetit “Aleksandër Xhuvani” ka marrë masën e pezullimit nga detyra të pedagogut Denis Himçi, pas skandalit seksual të këtij të fundit.
/Dosja.al
