Dhe nuk kishte se Samantha Grant, t’i shpëtonte syrit të producentëve të programit “Celebrity Big Brother” në kanalin “Channel 5”, pas të gjithë akuzave që hodhi në drejtim të motrës së saj Meghan Markle. Producentët po planifikojnë të bëjnë bashkë persona të famshëm që u bënë të njohur në mbarë botën falë skandaleve në media, nën temën “Në sytë e stuhisë”.
Samantha Markle, e njohur ndryshe si Samantha Grant, u bë e njohur në media, falë dasmës mbretëtore në të cilën nuk mori një ftesë, edhe përse martohej motra e saj.
Ndër të tjera, ajo fajëson Meghan se po çon drejt vdekjes të atin e tyre, falë indiferencës së treguar.
E ftuar në një program televiziv në Amerikë për të diskutuar mbi pjesëmarrjen në “Celebrity Big Brother”, Samantha u shpreh shumë e lumtur për sfidën e re.
“Në jetë përballesh me shumë pakënaqësi dhe mundësi që të shfaqen. Ndaj nuk ka asgjë të keqe të jem pjesë e saj. Në fund të fundit, nuk do të diskutoj më për të (Meghan Markle) edhe nëse do të më pyesin në shtëpi” – u shpreh motra e Dukeshës së Sussex.
