Moderatorja Einxhel Shkira ka bërë një postim në rrjetin social Instagram, konkretisht në Instastory, ku ka uruar nënën e saj për ditëlindje.
“Vjet dëshira e saj për ditëlindje ishte të hyja në BBVA, pa e ditur se ai ‘qiri; do i plotësonte më shumë se thjeshtë një dëshirë…Tashmë të njohin të gjithë dhe të adhurojnë pavarësisht se s’të kanë takuar kurrë! Të duan aq shumë sa unë emocionohen kur vijnë me vrap kudo që më shohin thjeshtë të më pyesin “si është mami Lola”? E kushdo që më takon nuk harron kurrë të pyes për ty…Të gjithë duan të dinë si je ti, a ke qenë mirë, a je rënduar nga fjalët dhe situatat, a je lumturuar nga lajmet?”- shkruan në fillim Einxhel Shkira.
“Uroj ta kesh jetën sa më të gjatë e plotë shëndet për të gëzuar me nipër e mbesa. Shpresojë që bebi të trashëgojë jo vetëm bukurinë por gjithë mirësinë e shpirtin tënd. Të duam shumë”, përfundon urimin.
Më herët, Einxhel ka patur një reagim për personat që e kanë kritikuar për ekspozimin e barkut të rrumbullakosur.
“Si fillim ju falenderoj shumë për çdo urim, fjalë të mirë e këshillë pa e vënë në diskutim qëllimin e mirë në secilën prej tyre. Por kam lexuar komente e mesazhe ku sugjeroni, gati-gati në lutje që të mos ekspozoj në foto barkun se tani ‘si nënë e kupton vetë ti’ (?!). Unë kuptoj dhe nënkuptoj shumë gjëra dhe pikërisht për hir të këtyre bestytnive shpeshherë jam bërë paranojake… Ama të dashura gra e nëna, po nëse dikujt i duhet të punojë në ekran gjatë shtatzënisë dhe barkun ja shohin me mijëra e miliona sy?! Po nëse gjatë asaj periudhë bëjnë foto veshjesh shtatzëna për punë dhe ato sërish shihen nga pafund sy…dhe akoma më e zakonshme, mjafton një ditë në plazh që barku të shihet nga dhjetra sy…Ju lutem boll përcollët energji të tilla dhe bestytni që në vend të na ndihmojnë thjesht të shtojnë ankthin! Mbase është idiotllik, por edhe unë besoj te syri, ama çdo gjë ka një limit, se s’do ngujohemi në shtëpi tani që të jemi të mbrojtur nga syri keq”- ka shkruar më herët Einxhel.
