Në shtëpinë e “Big Brother Vip Kosova 2” kanë mbetur vetëm katër banorë finalistë: Shqipja, Edona, Blerando dhe Lumbardhi. Finalja e spektaklit është të premten e ardhshme, nga ku do të shpallet edhe fituesi i këtij edicioni.
Gjatë një bisede në oborr mes Blerandos dhe Lumbardhit, ky i fundit i ka thënë atij se në fund të lojës do të ngelin vetëm ata të dy. Ai thotë:
Ne të dy do të jemi në fund. Ti kundër meje do të jemi në fund, mbaje mend.
Mua më shumë më kanë nënvlerësuar, dhe unë e di se personaliteti im është kështu. Si në futboll, si në punë, jam rritur ngadalë. Në fillim kështu njerëzit s’e besojnë, por faktikisht duhet të besosh në vetvete, kështu ia kam dalë gjithmonë.
Nga ana tjetër, Blerando thotë se po mundohet ta shijojë në maksimum javën e fundit të qëndrimit në shtëpi.
