Ashtu sikurse Iconstyle ju ka treguar më herët, në kinematogafinë shqiptare pritet të vijë së shpejti komedia “Luli & Goni Lemes” (lexo këtu).
Kjo komedi, sjell Aurela Gaçen në rol kryesor, si dhe Fjoralba Ponarin, Deivis Myslymin e Margent Caushin në kast.
Filmi me skenar të autores dhe producentes Klaudia Brahimaj dhe regjisor Bjordi Mezini, është një homazh për Vlorën duke përfshirë elemente të muzikës, kulturës dhe traditës jugore.
Detaji më i ri që është zbuluar për këtë komedi, është se pjesë e saj do të jenë edhe ikona të njohura të humorit dhe muzikës në vend, si Irini Qirjako, Parodistet e Vlores, Rita Lati, e shumë emra të tjerë të njohur.
Komedia ‘Luli & Goni Lemes’ pritet të shfaqet në çdo kinema brenda muajit prill, teksa aktualisht xhirimet në qytetin e Vlorës kanë përfunduar.
