Ajo pretendon se jeton një jetë “të përulur dhe modeste”, me vlera strikte myslimane, por ndërsa burri i saj, Presidenti Rexhep Tajip Erdogan ka grumbulluar një pasuri prej 139 millionë sterlinash, me të paktën tre pallate anembanë Turqisë, gruaja e tij, e cila është e fiksuar pas pazarit, nuk bën asgjë më shumë se sa shpenzon paratë.
Jeta e Emine Erdogan është nga një udhëtim me avion në tjetrin, ku pasionet e saj të veçanta janë veshjet firmato dhe antikuariatet super të shtrenjta. Ndërkohë që një e treta e vendit të saj jeton në varfëri ekstreme.
Të paktën 2 milionë persona jetojnë vetëm me 4 euro në ditë, ndërsa gruaja e presidentit harxhon vetëm për çajin e saj të bardhë special 1.900 euro për kilogram. Dhe e pi atë në filxhan të larë me flori që kushtojnë 280 euro secili”.
Emine është vërtet e shfrenuar në maninë për të blerë në dyqanet më të shtrenjta të Europës. “Një herë ajo mbylli një qendër të tërë tregtare në Bruksel që të bënte pazaret, ndërsa në një tjetër rast, teksa shoqëronte burrin e saj në vizitë zyrtare në Varshavë, bleu 45 mijë euro antikuariate në një treg të posaçëm”, shkruan “Daily Mail”.
Ikonat janë për pallatin gjigant që Erdogan ka ndërtuar në një kodër të Ankarasë. Prona zë një sipërfaqe prej 4 milionë metrash katrorë dhe ka një vlerë prej 800 milionë eurosh vetëm për ndërtimin, pa llogaritur zbukurimet, mobilimin dhe stolitë e brendshme. Që nga muret e veshura me mëndafsh që kushtojnë mbi 3 mijë euro metri katror, e deri te çdo çift dyersh që janë të nevojshme për qindra dhomat dhe që kushtojnë mbi 40 mijë euro. Ky stil jetese e shpreh qartë delirin e madhështisë dhe dëshirën për të sunduar përjetë.
*Shfleto galerinë
