Rita Ora është një ndër emrat më të suksesshëm shqiptar, fama e së cilës ka marrë përmasa botërore.
Fitimet e këngëtares janë të mëdha e domosdoshmërisht edhe shpenzimet.
Ajo është fotografuar ditën e sotme teksa ka mbaruar stërvitjen, ku duket veshur me një palë atlete të bardha, syze dielli dhe gjithashtu për aksesorë akishte zgjedhur një byzylyk dhe një varëse.
Me flokët e lidhura flokët bisht ajo mbante një peshqir dhe shishe uji në dorë ndërsa ecte drejt veturës së saj.
Ndërkohë ajo kishte kompletuar veshjen e saj me një çantë elegante të markës ‘Gucci’, e cila shitet me çmim 2,650 dollarë (2,220 euro), raportojnë mediat e huaja.
Një shifër kjo jo e vogël vetëm për një çantë ! Epo, pse të mos ia bëjë qejfin vetes fundja?
Kujtojmë se Rita Ora prej muajsh po shijon qëndrimin në Australi duke qenë se është bërë pjesë e jurisë së spektaklit “The Voice”. Gjatë kësaj kohe ajo ka qenë mjaft aktive në rrjete sociale për të ndarë me ndjekësit momente të ndryshme nga kjo eksperiencë. Edhe pse Rita ka qenë këto kohë në qendër të vëmendjes mediatike dhe në shumicën e rasteve është kritikuar ashpër, ajo vazhdon të ketë mbështetës të zjarrtë.
Së fundmi, Rita ka treguar se është takuar me disa fanse të saj dhe nga njëra prej tyre ka mbetur e habitur. Ajo kishte bërë tatuazh në dorë inicialet e Ritës, R.O, gjë që e ka bërë këngëtaren të emocionohet.
