Covid-19 i ka marrë jetën një tjetër figure të njohur të televizionit shqiptar. Bëhet fjalë për regjisorin Kadri Metohu, i cili nuk ka arritur ta fitojë betejën me viruisn. Prej ditësh ai ka qenë i infektuar dhe është mësuar se ka ndërruar jetë në moshë 90-vjeçare, për shkak të përkeqësimit të gjendjes shëndetësore.
Kadri Metohu ka qenë i angahzuar gjatë karrierës së tij në dhjetra spektakle televizive, dokumentarë, telereportazhe e radiodrama, por edhe në veprat skenike si regjisor i disa veprave operistike. I ndjeri studioi për regjisurë në Pragë të Cekosllavakisë nga ku pruri një eksperiencë të madhe bashkëkohore duke dhënë kontributin e tij të vyer në fushën e regjisë televizive, radiofonike dhe skenike.
Pas specializimit në Rai të Italise ai kontribuoi në ngritjen e Televizionit Shqiptar mbi baza profesionale. Është krijues i emisioneve të sukseshme radiofonike si “Heroizmi i popullit tonë në shekuj” si dhe “Teatri në mikrofon”. Për kontributin e tij të çmuar ai është nderuar me çmime të shumta kombëtare.
