Ledjana, konkurrentja e “Për’puthen” ka publikuar një fotografi me Mevlanin, një prej djemve që ka shfaqur pëlqim dhe pati një përballje me të mbrëmë në lidhje me faktin që ai zgjodhi të dilte në takim me Antonelën dhe jo me të.
Kjo foto është realizuar gjatë regjistrimit të “Për’puthen Prime”, ku vihet re se Ledjana është e ulur në prehrin e tij.
“Do të të uroja më të mirë, por unë jam më e mira”, shkroi Ledjana bashkëngjitur fotos që ka marrë me mijëra pëlqime dhe komente.
Ndërkohë, nuk munguan komentet thumbuese të Antonelës, e cila gjithashtu ka shprehur pëlqim për Mevlanin.
“E mbyte djalin”, i shkroi Antonela para disa orësh.
Nuk ka vonuar përgjigjia e Ledianës, e cila i ka thënë:
“Peshojnë içik, do të vish të na ndihmosh t’i mbajmë?”
Trekëndëshi Mevlani-Antonela-Lediana duket gjithnjë e më i komplikuar. Pas bisedës së zhvilluar mes Mevlanit dhe Ledjanës, duket se Antonela ka bërë një hap pas. Ajo tha se ka vendosur që të tërhiqet, pasi nuk do të hyjë në mes të askujt. Nga ana tjetër Mevlani i kërkoi që të mos ndikohej nga komentet e publikut.
Pjesë nga biseda në “Për’puthen Prime”:
Antonela: Do të tërhiqem që të shikoj sesi do të sillet Ledjana. Mua më duket se po hyj në mes.
Ledjana: E ke kuptuar me vonesë, ke hyrë që kur ke ardhur.
Antonela: Do tërhiqem, sepse duket sikur jam unë problemi.
Mevlani: Po pse do tërhiqesh?
Antonela: Nuk thashë se po heq dorë.
Mevlani: Mos u ndiko nga komentet e publikut.
