Ashtu siç e kishte paralajmëruar, Luana Vjollca rikthehet në tregun muzikor shqiptar për këtë sezon veror me këngën e saj të dytë. “Vetëm ti” mban titullin kënga, në të cilën Luana i kërkon llogari djaloshit për dashurinë e humbur.
“Nuk e di ti sa më ke vrarë, se unë vetëm ty të t’kam dasht” – thuhet mes rreshtave të këngës, të shkruar nga Luana Vjollca dhe Bini Diez.
Luana i qëndron besnike Kosovës, për të realizuar klipin. “Vetëm ti” është xhiruar në lagjen e njohur si “Çarshia e Vjetër” në Gjakovë.
Ajo shfaqet tejet lozonjare dhe rrëzëllitëse në videoklipin e “Vetëm ti”.
Një muaj më parë, Luana Vjollca publikoi bashkëpunimin me këngëtarin Bujar Qamili, këngën “Mi dhe flakë mallit tim”, që shënon plot 7 milionë klikime në Youtube.
