Luana Vjollca është një ndër moderatoret shqiptare më të komentuara për pamjen e saj. Jo të pakta kanë qenë rastet kur ajo është akuzuar për ndërhyrje estetike-kirurgjikale në pamjen e saj, madje “akuzohet” se çdo pjesë e trupit të saj është e bërë, megjithëse moderatorja simpatike e ka kundërshtuar vazhdimisht këtë fakt.
Si për ti bindur fansat për të kundërtën e asaj që ata mendojnë për të Luana postoi në “Instagram” një foto ku shfaqet pa make-up dhe me flokët të kapur me një bishtalec në majë të kokës.
Të shumtë janë ata fansa që e kanë komplimentuar, por po aq të shumtë janë edhe ata që vazhdojnë të shkruajnë se ajo është kështu si është falë operacioneve plastike. Jo vetëm kaq, por i vënë në dukje se në këtë foto ajo nuk shfaqet pa make-up siç ajo ka thënë në përshkrimin e fotos.
Por më sa duket Luana është e dashuruar me stilin e saj të flokëve dhe ka hedhur në “Instagram” edhe një foto tjetër ku shfaqet me të njëjtin stil flokësh, por për çudinë e të gjithëve e ka fshirë duke vendosur që ta lërë vetëm në “Instastory”.
Me sa duket komentet e shumta ofenduese të fansave e detyruan Luanën që ta fshinte këtë foto.
