Moderatorja Luana Vjollca, së fundmi ka bërë ndryshime në pamjen e saj duke prerë baluke. Por në një video që ka postuar në Instagram, Luana qenka penduar për këtë ndryshim në pamje.
Me anë të një video që ka postuar për ndjekësit Luana shkruan:
“Kur ke prerë baluke por i ke rënë pishman dhe s’di si t’i mbash këto flokë.”
Luana para disa muajsh ka qenë e angazhuar me programin “Love Island Albania” ku për nëntë javë me radhe moderoi dhe mund të themi që superoi me sukses netët “Live”.
Nuk ka ende një njoftim nga Luana nëse do të nisë sezoni i dytë i programit të saj “Zemër Luana”.
Për momentin kemi parë nga foto që ajo ka postuar në Instagram, po shijon një periudhë pushimi ku e ka shfrytëzuar për disa pushime jashtë vendit dhe duke kaluar më shumë kohë me familjarët.
