Lotaria Amerikane ka nisur që në fillim të muajit tetor dhe aplikimet për të sa vijnë dhe shtohen. Por tani që edhe për pak ditë ajo do të mbyllet, Ambasada e SHBA-ve në Tiranë, tërheq përsëri vëmendjen për aplikantët.
Duke u nisur nga rastet kur me këtë lotari mashtrohet, ose krijohen faqe aplikimi të rreme, duke bërë që qytetarët të ngatërrohen, autoritetet e ambasadës së SHBA-ve, gjithmonë mundohen të udhëzojnë dhe sqarojnë të gjithë përdoruesit e saj.
Kështu, Ambasada amerikane në Tiranë paralajmëroi qytetarët sot, të mos mashtrohen nga faqet e rreme të Lotarisë Amerikane në internet, po t’i drejtohen vetëm asaj zyrtare.
“’DVProgram.state.gov’, është e VETMJA faqe zyrtare për të aplikuar në Lotarinë Amerikane dhe për të kontrolluar statusin tuaj! – theksoi ambasada e SHBA. – Kini kujdes nga faqe të rreme dhe mashtrime të lidhura me programin e Lotarisë Amerikane”. /GazetaReforma.com/
