Lorik Cana është futbollisti më patriot shqiptar, por që është martuar me arkitekten italiane Monica Ercoli-n. Futbollisti ka treguar se pavarësisht se gruaja e tij është italianë, ajo ka filluar të shqiptarizohet. Ajo ka mbajtur bluzën e Kombëtares shqiptare kur Shqipëria ka luajtur me Italinë, ka mësuar të gatuajë pas martesës dhe madje ka mësuar dhe fjalë shqip.
Dihet që bashkë me fjalët e bukura, të huajt tërhiqen dhe prej fjalëve me ngjyresë negative. Një prej tyre që Monica ka mësuar dhe përdor tashmë, është “katunar”.
“Nuk më lë të vesh kanotiere gruaja. Ka mësuar fjalën katunar dhe më thotë lëre, kjo është për katunarë. Gjithçka tjetër e thotë në italisht Monica, por fjalën katunar, sigurisht të lakuar si të ishte një fjalë italiane e përdor në shqip.”- tregoi Loriku duke qeshur.
Dhe meqë jemi te veshja, një pikë e fortë e Lorikut, ai na tregon dhe diçka tjetër që nuk ka më kuptim të vishet tani…këmishët serioze me mëngë të shkurtra.
“Ndryshim epokash. Duhet t’i lëmë dhe ato.”: u shpreh Cana.
