Në janar të këtij viti, ish-Kapiteni i Kombëtares Shqiptare, Lorik Cana, u bë baba për herë të dytë.
Partnerja e tij italiane, Monica, solli në jetë fëmijën e dytë të çiftit, një vogëlushe që e pagëzuan me emrin Enkeleida.
Ardhja e saj në jetë ka ndikuar që 2020 të jetë një vit i mrekullueshëm për Lorik Canën.
Sot në “Ftesë në 5”, ai u shpreh se për shkak të izolimit të koronavirusit, ka pasur kohë për të kaluar me familjen.
Ndërkohë ai ka shtuar se dëshiron që të ketë një tjetër fëmijë në jetën e tij, por ka vetëm me një “kusht” të vogël për bashkëshorten e tij.
“Kjo është sipas dëshirës së përbashkët dhe momentit. Patjetër që duhet me u vendos bashkarisht. Unë ia kam shprehur gruas që nuk e heq këtë mundësi dhe opsion. I kam thënë që në qoftë se më siguron që është djalë do e bëjmë patjetër, por mesa duket e kemi të gjithë të vështirë të jemi të sigurt”, është shprehur Lorik Cana.
https://www.instagram.com/p/CAnq4PjFrgb/
Pra, Loriku e ka menduar familjen e tij me 2 djem dhe një vajzë.
Ndër të tjera ai ka treguar se ka dhuruar shumë puthje gjatë kësaj periudhe, duke pasur një mesatare prej dy mijë, tre mijë puthjesh në ditë, natyrisht dërguar drejt fëmijëve, (djalit dhe vajzës së vogël), por edhe Monikës.
