Lori Bala, në një intervistë për “Top Albania Radio”, foli për eksperiencën e saj në “DWTS” jo më si balerinë profesioniste por si anëtare jurie. Ajo është e lumtur për këtë arritje të saj profesionale pasi për 10 edicione ajo ishte partnerja e kërcimit e një prej VIP-ave dhe tashmë është shprehur që ndihet e plotësuar dhe ka marrë më të mirat nga “DWTS”.
Ajo është parë që në gjykime ajo është e prerë dhe e ftohtë.
E pyetur se cili nga anëtarët e jurisë është më pak profesionist, ajo u përgjigj:
“Unë dhe Iliri jemi dy profesionistë dhe as njëri, as tjetri nuk është as më shumë e as më pak. Sigurisht, Iliri ka më shumë eksperiencë dhe mund të jetë më mirë në artikulim dhe në shprehjen e gjykimit që ka. Unë mund të jem më pak, më e ftohtë dhe me pak fjalë, por sa t’ja marr dorën edhe unë. Pastaj Olta dhe Valbona nuk janë të profesionit dhe mendoj që janë shumë këndshëm ashtu.”
Ajo ka folur edhe për cilin nga djemtë mendon që ka mësuar më shumë nga “DËTS” dhe nëse do të ishte balerinë profesioniste cilin do të dëshironte të ishte çift u përgjigj:
“Nëse do të isha balerinë mund të isha me Irgenin, Enin ose Sardin, sepse vetëm ata kanë ngelur dhe janë përmirësuar shumë. Nëse do të isha mendoj që do të shkoja në finale me njërin nga djemtë.”
