Trashëgimtarja e “Top Channel”, Lori Hoxha, numëron mijëra ndjekës në profilin e saj në Instagram, me të cilët është në kontakt thuajse pjesën më të madhe të ditës.
Ajo ndan jo vetëm foto nga rutina e përditshme, por edhe eksperienca personale apo përjetime të situatave në të cilat kalon.
Së fundmi, Lori ka zhvilluar një mini-intervistë me ndjekësit e saj, të cilët tepër kuriozë, i bëjnë pyetje të ndryshme lidhur me jetën e saj.
Njëri prej tyre e pyet se cili është mësimi më i vlefshëm që ka marrë nga e ëma, ndërsa Lori i është përgjigjur:
“Si të qëndrosh e butë teksa vazhdon të jesh e fortë. Ajo është një mjeshtre në këtë. Ajo femër çfarë nuk ka kaluar dhe sërish bën më të mirën për këdo, pa kërkuar diçka në këmbim. Çdokush ka nevojë për këtë në jetë.”- ka rrëfyer Lori.
Në nder të ditëlindjes së Tanit të “Topit”, i cili do të mbushte 51-vjeç, Lori dhe familja e saj organizuan dy netë më parë festën e përvitshme të “Top Channel” e cila u mbajt në studiot e reja “Nova”.
Në festë u mblodhën personazhe të njohur të showbiz-it, të cilët kujtuan themeluesin e “Top Channel” i cili u nda nga jeta disa vite më parë.
