Ditën e djeshme u përfol se Lori Hoxha pas një lidhje 6 vjeçare me Vis Bajraktarin më në fund do ta kurorëzojnë dashurinë e tyre me një dasmë madhështore buzë liqenit të Komos në Itali. Sipas asaj që u përfol ceremonia do të zgjasë 1 javë dhe në të do të jenë të ftuar shumë personazhe të njohur shqiptar, miq dhe të afërm të çiftit.
Në një intervistë për emisionin “You&Me” në NRG Radio Lori Hoxha reagoi për herë të parë për dasmën e shumëpërfolur.
E pyetur se nëse do të martohet në korrik, përgjigjja e trashëgimtares së Top Channel ishte shumë e prerë.
“Jo nuk do të martohem unë”, u shpreh Lori.
Gjatë intervistës Lori u pyet se nëse lajmet që qarkullojnë kanë ngatërruar adresë dhe ajo që do të martohet do të jetë Sara me Ledionin.
“Pse nuk ftoni Sarën këtu? As Sara nuk martohet në korrik. Qëparë po lexoja një lajm ku thonin se do të martohen të dyja në një ditë. Do të jetë jo thjeshtë katunari, por trefish katunari”, u përgjigj Lori.
