Blogerja e njohur Lori Hoxha, dyshohet të jetë ndarë nga i dashuri i saj prej kohësh, Vis Bajraktari.
Siç bën të ditur portali kosovar, “Prive”, trashëgimtarja e “Top Media-s” nuk e ndjek më në rrjetet sociale të dashurin e saj dhe ka zhdukur çdo foto me të.
Një tjetër detaj që shtoi aludimet për një ndarje të mundshme mes çiftit, është fakti që në videon live të filmuar mbrëmjen e së martës nga Hoxha në Instagram, ajo u pyet nga ndjekësit për këtë çështje dhe u shpreh: “Këto janë informacione për të cilat duhet të paguhet shumë për t’u marrë vesh.”
Që prej pushimeve në Shtetet e Bashkuara, dyshja nuk janë shfaqur më bashkë në rrjetet sociale dhe ky ndoshta është një sinjal që diçka në lidhjen e tyre nuk po shkon siç duhet. Të ketë përfunduar gjithçka? Kjo pritet të konfirmohet nga vetë Lori…
