Në rrjet prej kohësh po përflitet emri i Lorencit, Kristit dhe Keisit së bashku. Që prej hyrjes së këngëtarit në “BBV” në rrjet qarkulloi lajmi se Lorenci në fakt ishte ish-i i Keisit. Teksa ndjekësit prej kohësh e kanë parashikuar një trekëndësh, kjo gjë u diskutua edhe në Prime. Lorenci pranoi për herë të parë se ka patur një histori me Keisin, për të cilën nuk dha detaje.
Megjithatë ai e bëri të qartë që mes tyre ka patur një lidhje dhe kjo deklaratë e habiti jo pak Keisin. Kjo e fundit preferoi të mos flasë duke i qëndruar të njëjtave gjëra që tha Lorenci, ndërsa shtoi se ishte habitur nga ky i fundit.
Lorenci: Unë me Keisin kemi dalë, në fillim në shoqëri. Arsyen pse jemi shkëputur e dimë vetëm unë dhe Keisi. E respektoj deri në fund. Këtë gjë e dinë edhe jashtë, njerëzit që na njohin. Nuk doja ta bëja të madhe, nuk doja që kjo histori të dilte dhe e kam kërkuar që të mos dalë. Nuk mendoj se kam ndikuar në krisjen e marrëdhënies së Keisit me Kristin. Unë e Keisi kemi një raport shoqëror, asgjë më shumë.
Kristi: Unë kam respekt për Keisin dhe ka të drejtën të shkojë pas marrëdhënieve që do. Kemi mbyllur ça kishim. Lorenci më duket garip dhe i lezetshëm. Nuk kam asnjë hatërmbetje. Kemi mbyllur çdo gjë me dinjitet.
Keisi: Unë nuk e dija që Lorenci ka folur për atë që kemi pasur. Pyetja ime është Lorenci pse ka folur.
Arbër: Më duket gjest i ulët që këtë gjë e thua në dhomën e rrëfimit. Mendoj që kjo është ajo që ke dashur, e ke bërë me qëllim, tani që po flasim ti po merr kohë në Prime, që për mua është gjithashtu një nga arsyet pse e ke thënë. Këtë gjë mund ta diskutoje edhe me Keisin, mund ta merrje te dhoma e rrëfimit.
Lorenci: E kam bërë sepse e para e dinin edhe njerëz të tjerë nga jashtë, e dyta sepse nuk doja që batutat që kam bërë me Keisin të konsiderohen si informacione nga jashtë.
Vlen të përmendet se kur u raportua për herë të parë rreth aludimeve se Lorenci dhe Keisi kanë patur diçka bashkë, Sabiani bëri një reagim të ashpër ndaj mediave, në rrjetet sociale.
“O media k…, që e keni shpirtin më të zi se qymyri. Na i bëtë miqtë dhe shokët dashnorë. E nxirrni besëpremë atë djalin se kemi miqësi të përbashkët,”-shkroi këngëtari në një postim në Instastory.
Sabiani ka përdorur një gjuhë të ashpër ndaj mediave, por harron që është fjala e tij kundër personave që i njohin ato nga afër në jetën e tyre dhe shprehen të bindur që ky është një pretendim i saktë.
