Më në fund u zbulua dhe origjina e emrit të avokatit që përdorte shpesh herë reperja Loredana, duke u hequr si e bija e tij.
Portali “20min.ch” shkruan se zyra e avokatit Valentin Landmann mbrojti vëllain Loredanës, Fatonin dhe u përpoq ta shpëtonte mos debohej nga Zvicra në vitin 2016.
Fatoni merrej me kokainë dhe është dënuar që nga viti 1999, gjithsej 73 herë, veçanërisht për vjedhje.
Loredana përdori mbiemrin e njohur Landman, duke u hequr para zonjës Petra Z., si e bija e avokatit të njohur zviceran.
Ajo i premtoi shtetases se do t’i kthente paratë që i kishte marrë i vëllai me mjete ligjore, por kërkoi 12,000 franga, para kesh.
Petra Z., i besoi Loredanës duke thënë se ajo “ishte një grua e re dhe shumë miqësore”.
Pak kohë më parë u zbulua se Loredana mashtroi edhe një kompani që jepte anije me qira.
Ajo ishte paraqitur si e bija e avokatit Valentin Landmann, duke kërkuar marrjen e një varke me qira me burrin e saj Mozzik, por pa licencë.
“Unë gjithmonë vozis varkën e babait tim”, kishte thënë Loredana sipas pronarit.
