Loredana ka kujtuar sot të atin e ndjerë, i cili humbi jetën pak javë më parë!
Reperja e njohur shqiptare është në zi për humbjen e të atit dhe këto kohët e fundit nuk kanë qenë aspak të lehta për këngëtaren pasi u përfshi edhe në një skandal të madh mashtrimi ku një çift zviceran e akuzonte për mashtrim, kërcënim e zhvatje.
Në foton e publikuar për herë të parë, Loredana duket shumë e vogël e veshur për një ceremoni fetare të mbajtur me familjen.
Ndërkohë i ati e ka përqafuar teksa pozojnë për kamerën. Ajo nuk ka shkruar asnjë fjalë për këtë kujtim, përveç një emoji zemre.
Pak ditë më parë reperja publikoi këngën e saj më të re të titulluar “Labirinth”, suksesin e së cilës tha se do t’ia dedikojë të atit të ndjerë:
“Babë falenderoj Zotin që të paktën të la të shijoje fillimin e suksesit tim e tani e tutje do i jap edhe 1 herë më shumë mund vetëm për shpirtin tënd. Pusho i qetë. Unë do të bëj krenar!”- mbishkruan Loredana në foton tjetër të bërë publike.
