Prej disa ditësh në media po përflitet për një krizë në çift mes reperëve Mozzik dhe Loredana Zefi.
Ata nuk u panë më në shoqërinë e njëri-tjetrit, Mozzik nuk e mbështeti partneren në Instagram për këngën e re, madje as nuk ishte i pranishëm në festën e ditëlindjes së saj.
Mirëpo, duket se gjithçka është zgjidhur.
Disa orë më parë Loredana ka publikuar bashkëpunimin e ri me Mero-n dhe Mozzik ka bërë atë që s’pritej.
Ai e ka publikuar këngën në Instastory, duke e mbështetur kështu publikisht partneren e tij dhe duke treguar se gjërat mes tyre janë rregulluar.
Sipas burimeve pranë çiftit, problemet nisën për shkak të mospërputhjeve të mendimeve për menaxhimin e karrierës së tyre pas skandalit me çiftin zviceran.
Kujtojmë se në dhjetor të vitit që lamë pas, Loredana dhe Mozzik u bënë prindër të vogëlushes Hana.
