Pas lajmit se Loredana është arrestuar nën akuzën se ka zhvatur një çift tek të 50-at, e para deklaratë publike vjen nga kunati i saj, Getinjo.
Ai ka reaguar jo në mënyrë të drejtpërdrejtë, por është e kuptueshme se e ka fjalën për skandalin mediatik që ka përfshirë ditën e sotme kunatën e tij.
“Ju dushmanët keni qejf me ndodh ashtu siç folët…”, shkruan ai në një postim në Instastory, “Ama ngadalë, mos i jepni zor, se muneni me u dhi.”
Dje, mediat zvicerane publikuan lajmin se Loredana Zefi, e cila njihet edhe jashtë vendit si repere, bashkë me të vëllanë, kanë mashtruar e kërcënuar një grua 52-vjeçare dhe bashkëshortin e saj 53 vjeç.
Sipas deklaratës së zonjës që pretendon të jetë mashtruar nga Loredana (lexo të plotë këtu), ata i kanë zhvatur 87 mijë franga, duke e bërë të besojë se u duheshin për mamanë e tyre sëmurë.
“S’keni faj”, vazhdon Getinjo, “Se asi shifra i keni pa veç n’kalkulator kërkun tjetër.”
“Të fortin, të gjithë e sulmojnë”, e mbyll ai deklaratën e tij.
Ndërkohë, nuk ka patur ende një reagim të drejtpërdrejtë nga ana e Loredanës, vëllait të saj Beratit apo partnerit te saj, Mozzik-ut.
Pak më parë, u vu re se Loredana kishte bllokuar të gjitha komentet në profilin e saj në Instagram.
