Loredana Zefi po kalon një moment tejmase të vështirë.
Ndërsa gjendet prej tre javësh nën hetim nga prokuroria e Zvicrës pas akuzave për mashtrim, ajo sot humbi një prej njerëzve më të shtrenjtë për të, të atin.
Lajmin e hidhur e dha pak më parë përmes një postimi në Instagram, por ndërsa mban zi për të, ajo ka zbuluar disa foto të vjetra bashkë me babain dhe njërën prej tyre e postoi bashkë me një dedikim shumë prekës.
“Është dita e babait, por ti je larg. E megjithatë, të ndiej thellë në zemrën time.”, shkruajti Loredana.
Ajo publikoi edhe një foto të të atit me vajzën e saj dhe të Mozzik-ut, Hana.
Nuk dihet ende shkaku i ndarjes nga jeta të babait të saj.
Pak më parë, edhe Mozzik ndau një mesazh prekës për ndarjen nga jeta të vjehrrit të tij. “O baba Lush, pusho në paqe. Zoti ta mëshiroftë shpirtin tënd të mirë e të butë. Do të kujtoj sa të jem gjallë”
