Pas skandalit të bujshëm me çiftin zviceran, të cilët akuzuan reperen Loredana Zefi se u kishte marrë 350.000 franga dhe nuk ua kishte kthyer, çështja mbeti nën hetimin e policisë. Ditën e sotme, Loredana u rikthye në vëmendjen e mediave pasi u përfol se ajo kishte vendosur të ndryshonte avokatin e çështjes.
Mediat kosovare shkruan se Loredana kishte zgjedhur Thomas Fingerhuth për të vazhduar me hetimet e çështjes së saj, ndërkohë që ka ardhur edhe reagimi i avokatit Tomë Gashi në lidhje me këtë lajm.
Nëpërmjet një statusi në profilin e tij në Facebook, ai ka mohuar gjithçka, duke deklaruar se vazhdon të jetë avokati i reperes.
“Për shkak të interesimit të madh të mediave për t’u deklaruar për artisten më të njohur shqiptare të muzikës Repp, Loredana Zefi, unë ende jam avokat i saj.”- ka shkruar Gashi në postim.
Pavarësisht problemeve të shumta, sukseset e Loredanës në karrierë s’kanë të ndalur. Gjashtë ditë më parë ajo publikoi këngën më të re të titulluar “Jetzt rufst du an”, ndërsa ditën e djeshme u vlerësua me çmimin e reperes më të mirë grua në ceremoninë e çmimeve Hype të organizuar nga Sony Music.
