Pak ditë pasi shpërtheu skandali i mashtrimit dhe zhvatjes ndaj një çifti zviceran, mediat publikuan foto të Loredanës hipur mbi një makinë, me armë, me syze dhe dukej se pavarësisht se ishte nën hetim, ajo do të vijonte rrugën me muzikë dhe klipe të reja.
Më pas, ajo u pa në foto me partnerin e saj Mozzik dhe reperin shqiptar të njohur në Gjermani, Dardan.
Sot, u publikua klipi i parë ku Loredana shfaqet pas publikimit të skandalit, por ajo këtë herë nuk është pjesë e tij si këngëtare, bashkëpunimi i Mozzik-ut me Dardan-in, “A Milly”.
Në pak skena, ajo shfaqet si modele.
Kanë qenë kohë të vështira për të, pasi përveçse akuzohet se ka qenë pjesë e një skeme zhvatjeje të jo pak po 900 mijë frangave, dje Loredana humbi të atin.
Përjetimin për këtë humbje ajo e ndau dje në Instagram, ku shkruajti:
“Është dita jote, por ti je larg. E megjithatë, të ndiej thellë në zemrën time.”
Ajo ka njoftuar edhe anulimin e koncerteve, ndërsa vijon të jetë nën hetim nga prokuroria e Zvicrës.
