Prej disa ditësh, në media po përflitet se çifti shumë i njohur i showbizit, Mozzik dhe Loredana Zefi, po kalojnë një krizë në marrëdhënie.
Ata nuk janë parë më në shoqërinë e njëri-tjetrit, nuk kanë publikuar foto së bashku, Mozzik nuk e mbështeti në Instagram Loredanën për këngën e re dhe sikur të mos mjaftonin këto, reperi as nuk ishte prezent në ditëlindjen e partneres.
Burime pranë dyshes i konfirmuan këto lajme, duke treguar se gjithçka kishte ndodhur për shkak të mendimeve të ndryshme që kishin për menaxhimin e karrierës së tyre pas skandalit me çiftin zviceran.
Mirëpo pavarësisht të gjithave, Loredana dhe Mozzik kanë vendosur ta bëjnë bashkë turneun e tyre të titulluar “Bonnie & Clyde”, i cili do të mbahet më 19 mars të vitit 2020.
Të dy kanë publikuar foto të njëjta në Instastory, me një poster ku shfaqen së bashku, duke informuar fansat për koncertet e tyre.
Kjo do të thotë se ata kanë vendosur t’i lënë mënjanë problemet, të cilat me siguri do të rregullohen me kalimin e kohës.
Bëhuni gati t’i shihni sërish bashkë Mozzik-un dhe Loredanën!
