Një nga çiftet më të njohur në botë, Jennifer Lopez dhe Ben Affleck janë sërish në qendër të vëmendjes pasi atmosfera mes tyre dukej e tensionuar në premierën e filmit ‘Mother’. Të dy kanë pozuar së bashku për fotografët dhe kanë shkëmbyer puthje, por në një moment ka pasur “tension”. Në atë moment Ben Affleck shihet me Jennifer Lopez, duke bërë gjeste.
Lip reader (eksperti që di të lexojë buzët) ka dhënë përgjigjen për atë që ka ndodhur mes çiftit të famshëm. Sipas një raporti të ‘Dailymail’, Lopez dhe Affleck po kërkonin të bënin pozat perfekte për të pozuar për fotografët në tapetin e kuq.
Ekspertja tha se gjatë atij momenti të bërë viral, Lopez u shfaq duke pyetur burrin e saj nëse dekolteja e saj “është shumë”, për të cilën ai iu përgjigj se ishte mirë.
Pasi gjeti pozën perfekte, Affleck shihet duke i thënë gruas së tij që t’i afrohet, ndërsa ai i thotë: “ Mos u shqetëso, zemër”. Lopez u përgjigj: “Eja tek unë”.
Pas fotove, aktori iu drejtua bashkëshortes dhe i tha: “Mbaruam”. Më pas ai e pyeti nëse ishte mirë dhe e puthi.
Nuk janë të pakta rastet që çifti i ka vënë flakën rrjeteve sociale me bisedat e tyre.
