Një incident ka ndodhur për skuadrën e Tjeanës në aeroport. Mediat raportojnë se futbollisti Qëndrim Ismajli është kthyer nga autoritetet, pasi dokumentacioni i siguruar nga Tirana nuk ishte i mjaftueshëm për shqiptarin nga Kosova, pasi shteti gjeorgjian nuk njeh Kosovën dhe për rrjedhojë as pasaportat e vendin fqinj.
Kjo e ka penguar mbrojtësin e majtë që të hyjë në tokën gjeorgjiane. Kështu, ai është detyruar që të rikthehet dhe deri tani nuk është i disponueshëm për këtë sfidë.
Skuadra e Tiranës iu është drejtuar UEFA-s me një ankesë në lidhje me rastin e Ismailit. Por, deri tani, klubi bardheblu nuk ka marrë ende një përgjigje.
Kjo situatë ka ndryshuar edhe planet e trajnerit Bledi Shkëmbi sepse Ismaili ishte projektuar titullar në prapavijën e Tiranës për këtë ndeshje. Tashmë, Shkëmbit i duhet të gjejë një zëvendësues për Ismajlin në krahun e majtë të mbrojtjes.
