Një lojtar i Arabisë Saudite, ka festuar golin e tij ndaj Egjiptit, duke bërë gjestin e shumëpërfolur të shqiponjës, për të cilin, Granit Xhaka dhe Xherdan Shaqiri u dënuan me 10 mijë franga zvicerane.
Salem Al Dawsari festoi duke bërë gjestin e famshëm shqiptar pas golit që shënoi kundër Egjiptit në ndeshjen për Kupën e Botës.
Kjo gjë ndodhi në ndeshjen e së hënës, pak pasi dy shqiptarët Xhaka dhe Shaqiri ishin vënë nën shinjestrën e mediave botërore për gjestin që u quajt politik.
Përmes një kontrolli të thjeshtë “iconstyle.al” zbuloi se kjo nuk është herë e parë që Al Dawsari, bën këtë gjest. Më poshtë mund të shihni disa nga festimet më të papara të futbollistit në ndeshjet e mëparshme për Villarreal dhe kombëtaren e Arabisë Saudite.
Edhe njëherë vërtetohet se ky është një gjest festiv dhe jo politik dhe se FIFA gaboi me vendimin për të dënuar dy shqiptarët me gjobë.
Burimi: iconstyle.al
