Prej katër orësh zjarrfikësit, Forcat e Armatosura dhe banorë të zonës janë duke luftuar me flakët që kanë pushtuar Llogaranë ku situata vazhdon të jetë problematike me zjarrin që është përhapur duke djegur sipërfaqe të mëdha tokë.
Pasi bënë të mundur shuarjen në pjesën mbi fshatin Dhërmi, një tjetër vatër zjarri po vijon në Llogara.
Edhe pse po punohet për izolimin dhe shuarjen, tereni tepër i vështirë dhe era e fortë rindez sërish zjarrin, i cili po i afrohet qafës së Llogorasë por dhe pyllit me pisha.
Sakaq një reagim erdhi dhe nga Drejtori i Përgjithshëm i Zjarrfikëses Arben Cara, i cili në një deklaratë për mediat tregoi se është një zjarrvënie e qëllimshme dhe se do vendosen para ligjit autorët e zjarrvënies në Llogara.
