Vdekja e Matthew Perry ka përhapur trishtim tek familjarët e tij, kolegët dhe ata që e kanë dashur përmes serialit “Friends ”.
Ndonëse nuk kanë bërë ende asnjë deklaratë zyrtare, DailyMail raporton se ata janë në gjendje shoku për vdekjen e Perry-t.
I njëjti burim tha se Kudrow po e vuan më së shumti humbjen e mikut të saj. Ajo ka vendosur të adoptojë qenin e tij, Alfred të cilin aktori e mori tre vjet më parë dhe tha se ishte miku i tij më i mirë në botë.
“Matthew më në fund po e pranonte gjendjen e tij dhe po kalonte vitin më të mirë të jetës që nga lansimi i librit të tij pothuajse një vit më parë. Ajo është e hutuar për atë që e shkaktoi vdekjen e tij”, tha burimi.
EXCLUSIVE: Devastated Lisa Kudrow thinks Matthew Perry may have drowned ‘after taking something that did not mix with warm water’ and is considering adopting late co-star’s DOG https://t.co/7uAZSWkfMg pic.twitter.com/ZAev6I1yiu
— Daily Mail US (@DailyMail) October 29, 2023
Në çfarë faze janë hetimet?
Hetimet për vdekjen e papritur të aktorit Matthew Perry kanë nisur. Policia ka kryer kontrolle në banesën e 54-vjeçarit për të gjetur prova për zbardhjen e ngjarjes. Sipas prestigjozes britanike ‘The Sun’, në banesën e tij në Los Angeles janë gjetur medikamente të marra me recetë. Hetuesit thanë se nuk gjetën asnjë drogë të paligjshme në vendin ku Perry u gjet i pajetë, por kishte shumë ilaçe. Policia tha për TMZ se, aktori i njohur i “Friends” merrte anti-depresantë, ilaçe kundër ankthit dhe një ilaç për problemet në frymëmarrje.
Sëmundjet pulmonare thuhet se kishin ardhur për shkak se ai ishte prej kohësh duhanpirës. Mjeku ligjor i Los Anxheles tha se do të kryhet një testim toksikologjik për të përcaktuar nëse ai ka konsumuar ilaçe, por për marrjen e përgjigjeve mund të duhen muaj.
