Ballist Morina është liruar! Bëhet me dije se gjykata e Durrësit ka pranuar kërkesën që Ballist Morina të gjykohet në gjendje të lirë.
Ismail Morina u ndalua nga policia ditën e finales së Konferencë League.
Arrestimi i Morinës u bë i ditur nga një faqe me emrin e tij që administrohet nga personat e tij të afërm. Ja çfarë shkruhej më herët në një postim në Facebook:
“Sot, date 25/05/2022,ora 09:30, autoritetet e “RILINDJES” arrestojnë ISMAIL MORINËN në Kukës.
Persekutimi vazhdon në simbiozën e etërve të tyre komunist me urdhën nga BEOGRADI i Miladinve ndaj shpirtit te lirë.
Për çdo ndodhi të metejshme do u informojmë!
Rroftë shpirti i Shqiptarit!! ZOTI është SHQIPTAR!!!”
Nga ana tjetër, avokati i tij Gramoz Lika dha disa detaje.
Ai tha në përfundim të seancës: “Nga ky moment është i lirë, u pranua kërkesa e tij që të hetohet i lirë, do e konvertojë në shërbim prove, se s’ka qenë në dijeni”.
Kujtojmë që Morina u arrestua pasi ndaj tij kishte një urdhër arresti. Ai ishte dënuar me 5 muaj e 12 ditë burg për armë mbajtje pa leje nga Gjykata e Durrësit.
Ismail Morina ose siç njihet ndryshe si Ballist Morina do të mbahet mend si njeriu që ngriti dronin në Beograd!
