Shtatë nga 11 kuksianët që u arrestuan pas protestës në Rrugën e Kombit, janë lënë të lirë. Gjykata e Apelit në Shkodër ka shpallur vendimin për lirimin e tyre, që u prit me ovacione jashtë ambienteve të saj.
Gjykata vendosi detyrim paraqitjeje për shtetasit:
Shpëtim Toda, Shkëlqim Vata, Ervis Ruçi, Rasim Onuzi, Abdi Haziri, Edmond Matmuja
U lanë në burg:
Elton Cengu, 39 vjeç, banues në Kukës,
Florin Onuzi, 35 vjeç, banues në fshatin Nangë, Kukës,
Vasil Laçi, 31 vjeç, banues në Kukës
Xhevahir Gashi
Në Shkodër ishin të pranishëm edhe deputetë të Partisë Demokratike, ndërsa policia kishte marrë masa të forta për mbarëvajtjen normale të kësaj seance.
Pranë Gjykatës së Apelit pati edhe një protestë, ky qytetarët kërkuan lirimin e 11 personave të arrestuar.
“Lironi kuksianët, arrestoni Tahirin!”, shkruhej në pankartat e tyre.
Ndërkohë, protestuesit kanë ndezur edhe tymuese pranë gjykatës, por situata në përgjithësi ishte e qetë deri në pritje të dhënies së masës për të akuzuarit.
