Linoja është një material që shpesh shoqërohet me një reputacion jo fort të mirë, kërkon hekurosje të kujdesshme dhe nëse nuk lahet siç duhet, mund të humbasë pak nga ngjyra e saj. Megjithatë, këto “teka” janë një çmim i vogël krahasuar me hijeshinë dhe finesën që sjell në çdo veshje.
Aktualisht, linoja është pa dyshim materiali më i dashur i sezonit. Më së shpeshti e hasim në formën e këmishës klasike, por këtë verë ajo dominon edhe te fustanet, crop top-s dhe pantallonat.
Megjithatë, ka një mënyrë që po triumfon mbi të gjitha për ta veshur këtë sezon: si fund.
Fundet prej linoje janë kthyer në pjesën më të dëshiruar të momentit dhe me plot arsye. Të kombinuara me një T-shirt të thjeshtë, një kanotierë ose edhe me një top lino për një pamje total look, ato krijojnë një stil të lehtë, të freskët dhe pa mundim elegant.
Ka pafund stile të bukura nga linoja për këtë verë, por ne kemi bërë kërkimin për ju dhe kemi përzgjedhur modelet më të mira që ofron ky sezon.
