Lindsay Lohan vendosi që të heq mërzinë në Sardenja, pas raportimeve për prishjen e fejesës. Aktorja 30-vjeçare dhe i fejuari i saj Egor Tarabasov vendosën që të bënin një pushim, pas akuzave se ai e ka tradhtuar dhe ishte abuzues fizikisht.
Lajmi vjen pasi milioneri rus u pa duke ecur jashtë apartamentit të Lindsay në Londër.
Një burim tha për “NY Post”: “Ata po bëjnë një pushim, ajo nuk donte që ai të futej pa leje në apartamentin e saj, por ai u fut dhe mori të gjithë pasurinë e tij”.
Lindsay u shfaq në mendime, ndërsa merrej me telefonin e saj gjatë udhëtimit në jahtin me kosto 140.000 euro për javë, bashkë me shoqen e saj. Ndërsa aktorja jeton jetën e lartë, udhëtimi është më luksoz se sa pushimet që ajo shijoi me Egor në fillim të muajit në Mykonos, Greqi. Ajo e akuzoi së fundmi të fejuarin e saj se kishte tentuar ta mbyste.
Ajo gjithashtu postoi në Twitter statuse ku shkruante se ai e kishte tradhtuar dhe se ajo mund të ishte shtatzënë.
Këtë e konfirmoi babai i Lindsay-t, Michael Lohan: “Nuk kam arsye të mos i besoj. Është vajza ime. Nuk më ka mashtruar ndonjëherë. Unë i besoj ato që më thotë”.
Michael gjithashtu ka thënë se gjatë kësaj shtatzënie familja e saj do t’i qëndrojë pranë. Ai e ka quajtur ish-partnerin e së bijës një “burracak”:
“Ai do t’i rrijë larg sime bije derisa të mësojë të sillet. Më vjen keq për të, por kjo sjellje e tij nuk ka për të ngjarë më”, u shprehur ai për Inside Edition.
*Shfleto galerinë
Burimi: Daily Mail
