Aktorja e njohur, Lindsay Lohan është shtatzënë, në pritje të fëmijës së parë me bashkëshortin Bader Shammas. Lajmin e bukur e ka ndarë vetë artistja në rrjetet sociale.
Ylli i “Mean Girls” e bëri të ditur lajmin përmes Instagramit, duke postua një foto të një bluze të bardhë të një foshnje me fjalët “së shpejti”. Ajo ndau të njëjtën imazh në ‘Instagram Stories’, duke etiketuar Shammas.
“Jemi të bekuar dhe të emocionuar! ka shkruar Lohan në mbishkrimin e saj.
“Ajo po ndihet mirë dhe është e emocionuar”, thotë përfaqësuesi i Lohan për Page Six.
Page Six dha lajmin në korrik 2022 se Lohan dhe Shammas, u martuan fshehurazi. Dyshja ndezën spekulimet se ata u martuan në fotot e shpërndara në Instagramin e Lohan.
“Unë jam gruaja më me fat në botë. Ai më gjeti dhe e dinte që unë doja të gjeja lumturinë, të gjitha në të njëjtën kohë,” shkroi Lohan në mbishkrimin e postimit të saj.
Të porsamartuarit më pas udhëtuan në Turqi për një pushim pas dasmës. Në nëntor të 2022, Lohan dhe Shammas bënë debutimin e tyre të parë në tapetin e kuq, gjatë premierës së filmit të Netflix, “Falling For Christmas”.
