Alex Rodriguez është i lumtur pasi ka nisur një lidhje të re me Jaclyn Cordeiro. Çifti u fotografua së bashku duke buzëqeshur teksa ishin në një restorant.
Prillin e kaluar u bënë dy vjet që kur Jennifer Lopez dhe A-Rod vendosën të ndaheshin. JLo u rikthye me Ben Affleck, ndërsa ish-lojtari i bejsbollit dhe komentatori i Major League Baseball kaloi disa marrëdhënie të komplikuara. Vitin e kaluar ai ishte me Kat Padgett , me të cilën qëndroi nëntë muaj, deri në dhjetorin e kaluar kur filloi një lidhje të re me Cordeiro.
Siç raportohet nga Page Six, burime pranë Alex Rodriguez treguan se ai është i lumtur.
“Ai është shumë i lumtur dhe e shijojnë kohën e tyre së bashku. Ajo është e mrekullueshme, ajo është një ish infermiere dhe nënë e dy fëmijëve“
Ish- lojtari i Yankees është 47 vjeç, ndërsa partnerja e tij 42 dhe specialiste fitnesi. Rodriguez shpreson që kjo marrëdhënie të jetë më e qëndrueshme se ato të mëparshmet.
