E kishit imagjinuar të zgjidhnit një libër dhe ta shijonit në natyrë?
Disa persona me në krye aktivistin Eljan Tanini vendosën që të sjellin kulturën e leximit të librit mes gjelbërimit.
“LibrAria” është një strukturë e ngritur me xham dhe dru te zona e Liqenit. Betoni mungon, ndërsa raftet janë të mbushura me libra për të gjitha moshat.
E gjithë ideja është ngritur me vullnetarizmin e kompanive të ndryshme, nga ata që dhuruan paletat, ata që shtruan parketin, apo shtëpitë botuese që mbushën raftet e librarisë.
Kush nuk do të donte të shijonte ajrin e pastër, gjelbërimin, ndërsa lexon një libër, që nuk i dihet mund t’i ndryshojë jetën gjithsecilit.
Burimi: Iconstyle/Facebook
