Lajmi që Zayn Malik do të bëhet baba për herë të parë nuk ka kaluar pa u vënë re edhe ish-kolegu i tij Liam Payne, i cili e ka uruar nëpërmjet një video live në Instagram.
“Unë thjesht kam dashur të them urime për Zayn dhe Gigi , ju e dini tashmë që ata do të kenë një fëmijë së shpejt”, tha Liam teksa bisedonte me ndjekësit e tij.
Tani tre nga 5 anëtarët e bandës “One Direction” janë baba, ose ndryshe që do bëhen baba së shpejti dhe këtu e kemi fjalën për Zayn.
Liam dhe ish-partnerja e tij Cheryl Cole mirëpritën djalin e tyre Bear në vitin 2017, ndërsa djali i Louis Tomlinson, Freddie lindi në 2016.
Mendohet që grupi i famshëm “One Direction” do të bashkohet së shpejti për të shënuar 10 vjet që kur u formuan në “X-Factor”.
Vlen të rikujtojmë se Zayn u largua papritur nga grupi në 2015 për të nisur karrierën e tij solo dhe gjërat kanë qenë të acaruara mes tij dhe pjesës tjetër të grupit. Ata nuk kanë qenë në kontakt me njëri-tjetrin për shumë kohë, por mesa duket gjërat janë qetësuar midis tyre.
Më herët Liam Payne ka treguar se kur ishte pjesë e “One Direction” humbi veten, pasi gjatë gjithë kohës qëndronte i dehur dhe largimi nga grupi ishte një çlirim për të.
Zayn dhe Gigi Hadid do të bëhen prindër për herë të parë dhe në shtator do të vijë në jetë vajza e tyre.
