Në 16-vjetorin e USA Gala në Los Angeles, çifti Liam Hemsworth dhe Miley Cyrus u shfaqën për herë të parë si të martuar. Aktori autralian 29-vjeçar u pa teksa ecte mbi tapetin e kuq me partneren e tij që shndërriste e tëra. Ajo kishte veshur një fustan të zi, me dekoltenë e hapur dhe shumë, po shumë bizhuteri.
Miley Cyrus dhe Liam Hemsworth realizuan një dasmë sekrete para 3 javësh më 23 dhjetor. Ata patën daljen e parë publike në mbrëmjen e së shtunës ku dukeshin kaq të dashuruar.
Liam dhe Miley janë takuar së bashku në xhirimet e filmit “Last song” në vitin 2009. Që prej atëhere ata kanë dalë me njëri-tjetrin për vite me radhë, derisa ndodhi një ndarje e bujshme në vitin 2013. Ata u pajtuan në vitin 2016 e lidhja e tyre vijoi derisa u martuan.
Pyetur dje, sesi i dukej jeta tani që është martuar, Liam dha për gazetarët këtë përgjigje:
“Nuk më duket shumë ndryshe, por nga ana tjetër sigurisht që ka ndryshime”. Më tej shtoi: “Është e mrekullueshme. Po e adhuroj”!
Burimi: Cosmopolitan
