Ajo është një ndër femrat më të njohura të ekranit shqiptar, por sa i përket jetës private, askush nuk di asgjë për Leonorën.
Pak kohë më parë këngëtarja e njohur u shpreh se do të martohet shumë shpejt. Ndoshta e kapur nga euforia e dasmës së moderatorit Labinot Gashi, Leonora Jakupi nuk diti ta sqarojë këtë deklaratë dhe u shpreh për emisionin “Mirage” se nuk e di as vetë pse e tha.
Këngëtarja pranoi se është shumë e dashuruar, ndërsa sa i përket martesës ajo i qëndroi shprehjes “kurrë mos thuaj jo”. E pyetur përse nuk është martuar deri më sot, Leonora tregoi se ka frikën që të gjitha vajzat kanë, shkëputja nga familja dhe ndryshimi i jetesws.
“Jam në moshë të madhe, por kurrë nuk i dihet. Ndoshta nesër mund të vendos dhe të them ‘po martohem’. Nuk ka diçka konkrete në këtë aspekt. Kur unë të ndihem e gatshme të marr atë vendim, atëherë do të ndodhë. Unë jam shumë e lumtur.
Ajo që ndoshta më ka shtyrë që të mos e marr këtë vendim tash e sa kohë, ka qenë pikërisht ajo lidhja shumë e fortë dhe e ngushtë me familjen time. Gjithmonë kam pasur frikën se nëse martohem largohem prej mamit, prej vëllait, prej motrës. Po më duket sikur ndryshoj jetë, sikur po bëhem njeri tjetër. Kam menduar dhe vazhdoj të mendoj që ata kanë ende nevojë për mua”.
