Këngëtarja e njohur, Leonora Jakupi, ka folur së fundmi në emisionin “Frontal”, në T7, e cila ka folur për reagimin e serbëve ndaj këngës së saj më të re me titullin “Komandant”.
Ndonëse kënga është pëlqyer shumë dhe ka bërë shumë bujë si në Kosovë ashtu edhe në Serbi, mediet serbe kanë cilësuar këngën si një skandal.
“Skandal: Këngëtarja shqiptare vendos një kapelë me shenjën UÇK dhe këndon për nder të terroristëve”, shkruanin mediet serbe.
Këngëtarja e dashur për publikun tregoi se nuk ka qenë asnjëherë në Serbi dhe se më herët ka qenë në listë të zezë të këtij shteti. Për futjen e saj në listën e zezë të Serbisë, ajo thotë se nuk e di arsyen.
“Nuk kam qenë asnjëherë. Fillimisht nuk çfarë lypi atje. Edhe me dashtë me shkuar, një kohë kam qenë në listën e zezë të tyre. E kam marr vesh shumë vonë. Nuk e kisha ditë derisa e kam pas një ftesë për një koncert në Preshevë dhe pas një javë dite më thirrën dhe më than që je në listën e zezë. Unë nuk e kam ditur sepse s’kam pasur nga ta marrë atë informacion. Kur më thirren pas 4 viteve më than që të kanë hequr nga lista e zezë. Nuk e di arsyen”, tha ajo.
