Ngjarja e rëndë ka tronditur jo vetëm kryeqytetin, por të gjithë Shqipërinë!
Familjarët e vogëlushit të quajtur Brian i janë drejtuar dentistit Roland Xhaxho për disa probleme të djalit me dhëmbët, por 3-vjeçari iu kthye prindërve i pajetë.
Doza e madhe e narkozës e ka çuar të voglin në gjendje kome dhe i ka helmuar mëlçinë, duke bërë që Brian të ndërrojë jetë tragjikisht.
Kjo pasi atij iu bë anestezi totale, për të bërë të mundur rregullimin e dhëmbëve. Kështu tregon edhe daja i 3-vjeçarit:
“Jam daja i djalit, kishte 3-4 dhëmbë të prishur, na ankohej se nuk hante bukë. Pyetëm shumë veta me anestezi, mjekë zemre, shkuam te Roland Xhaxho dy tre herë, bashkë me gocën i kanë trajtuar 14 dhëmbë djalit. E mbajtën 4 orë në sallë dhe na e dha çunin në gjendje kome, të rënduar. Na tha që ishte një gjendje normale për shkak të anestezisë.
Kur e çuam tek pediatria, e futën direkt te reanimacioni pa puls. Mjekët bënë ta pamundurën, thanë se nëse do e kishim çuar më parë do kishte shpëtuar, i ishte helmuar mëlçia. Vrasësit janë Roland dhe Ina Xhaxho, do të bëjmë të pamundurën që të mos e kalojnë kaq lehtë!”
Babai i djalit ka treguar gjithashtu se kur kanë telefonuar klinikën private të Roland Xhaxhos, për të raportuar gjendjen e rënduar të djalit, askush nuk i është përgjigjur!
