Tirana është zgjuar me lëkundje tërmeti në orët e para të mëngjesit. Sipas të dhënave paraprake, tërmeti ka qenë me magnitudë 4.4 dhe ka zgjatur vetëm pak sekonda. Epiqendra është regjistruar në zonën e Kamzës, në një thellësi prej 8 kilometrash.
Fatmirësisht, nuk raportohet për dëme materiale. Pas lëkundjes kryesore, janë ndjerë disa të tjera më të lehta, ku më e ndjeshmja ishte me magnitudë 3.4.
Autoritetet vijojnë monitorimin, ndërsa qytetarët raportojnë se lëkundjet janë ndjerë veçanërisht në zonat përreth Tiranës.
